IMAXE E BENESTAR. As novas tendencias someten ao sector da perruquería e a estética, centrada na beleza e no coidado integral do corpo, a unha evolución constante que require, por parte do profesional, reciclaxe e formación continua.

IMAXE, Salón da Perruquería e da Estética, que cumpre xa 13 edicións, ofrécelles a todos eles a posibilidade de coñecer as últimas tendencias en produtos, servizos, equipamentos e tratamentos ofrecidos aos expositores, á vez que poden ter acceso a compradores e provedores e intercambiar información. Esta feira ofrece, polo tanto, unha excelente oportunidade de negocio, tanto para o expositor como para o visitante profesional.

O 13º Salón da Perruquería e da Estética estará dividido, do mesmo xeito que en anos anteriores, en tres áreas: Perruquería, Estética e Venda, incorporando servizos de Fitness e Wellness, sectores estes últimos que aumentaron dun xeito significativo o número de expositores nas edicións anteriores.

Pero é, sobre todo, unha cita activa e dinámica, onde non chega con observar, IMAXE invita á participación nos seus Concursos de Perruquería ou a asistir e tomar nota dos espectaculares Shows que mostran as últimas técnicas e creacións de estilistas de prestixio internacional.

IMAXE continúa sendo unha cita obrigada no noroeste peninsular para profesionais que queiran coñecer os últimos avances así como o público en xeral que poderá gozar de demostracións en vivo de estética, perruqiería, maquillaxes corporais e imaxe persoal nun evento dedicado a eles.

XORNADAS TÉCNICAS E OBRADOIROS

A actualización e a reciclaxe, aínda que presentes por calquera recuncho da feira, terán o seu propio espazo nas Xornadas Técnicas e Obradoiros co obxectivo de dar a coñecer as últimas técnicas e métodos que usan os profesionais da beleza para incrementar tamén o benestar das persoas.

ÁREA DE PERRUQUERÍA

• Deseño e proxectos de salóns de perruquería
• Mobiliario e decoración
• Tratamento de cor
• Utensilios e accesorios
• Complementos
• Posticería
• Vestiario profesional
• Centros formativos
• Material audiovisual
• Publicacións especializadas
• Asociacións profesionais

ÁREA DE ESTÉTICA

• Perfumería
• Centros de Spa
• Depilación
• Utensilios e accesorios
• Fitness
• Tatuaxes
• Centros de preparación especializada
• Material audiovisual
• Publicacións especializadas
• Asociacións profesionais

ÁREA DE VENDA

• Produtos de perruquería e estética
• Dietética e macrobióticos
• Accesorios de moda
• Complementos
• Perfumería
• Bixutería
  

TAXAS

Se desexa asistir como expositor a Imaxe, consulte aquí as taxas xerais.

Se desexa participar como ANUNCIANTE no catálogo de IMAXE, pulse aquí.

DÍPTICO PROMOCIONAL

Para descargar o díptico promocional prema sobre a imaxe.